Takikardia Konvulsive: Simptomat Shkaqet dhe Kurat.

Takikardia konvulsive në aspektin teknik është një aritmi që ndodh në mënyrë të shpejtë dhe të papritur, dhe impulsi i tkurrjes kardiake mund të bëhet në nyjen atrioventrikulare jo në nyjen sinoatriale.

Ankthi në kohë të vështira dhe stresuese, ankthi mund të shkaktojë episode të takikardisë konvulsive.

Nga: Xhesjana Topalli

Publikimi: 08/06/2017 22:27

Shkaqet e takikardise konvulsive

Takikardia konvulsive në aspektin teknik është një aritmi që ndodh në mënyrë të shpejtë dhe të papritur, dhe impulsi i tkurrjes kardiake mund të bëhet në nyjen atrioventrikulare jo në nyjen sinoatriale.

Incidenca e këtij lloji të aritmisë është shumë e ulët dhe mund të ndodhë edhe në persona të shëndetshem.

Shkaqet kryesore janë dhënë nga:

Ushtrimet fizike: në rastin e aktivitetit të veçantë të kërkuar, me rritje të performancës mund të shfaqet fenomeni i takikardi paroksizmale;

Emocionet intensive: në rastin e reagimeve në ngjarje shumë të forta që papritmas përfshijnë gjithë sferën emocionale;

Ndryshimet hormonale: në rast të ciklit menstrual, menopauzes, sëmundje të tiroides;

Ankthi: në kohë të vështira dhe stresuese, ankthi mund të shkaktojë episode të takikardisë konvulsive.

Simptomat e takikardisë konvulsive

Takikardia konvulsive manifestohet me episode të papritura dhe të paplanifikuara të palpitacioneve(rrahjeve) shumë të forta, me frekuenca në mes të 160 dhe 200 rrahjeve në minutë. Ky palpitacion jo normal mund të zgjasë disa minuta, por edhe disa orë dhe pastaj të përsëritet për disa ditë.

Kjo varet nga shkaku themelor dhe kohezgjatja e saj. Ka momente të ditës me incidencë më të madhe: takikardia konvulsive mund të ndodhë qoftë ditën ashtu dhe natën, papritur. Eshtë e këshillueshme që të kërkoni konsulta me specialistë për të hetuar shkaqet, efektet dhe dëmtimet e mundshme se ky lloj i palpitacioni mund të sjellë.

Gjithashtu mjeku duhet kontaktuar edhe për shkak se ne nuk jemi në gjendje për të kuptuar se çfarë lloj takikardie jemi duke përjetuar dhe simptomat janë të njëjta mes takikardisë paroksizmale, takikardisë ventrikulare, sinusale apo sëmundjeve të zemrës. Me zemrën nuk duhet luajtur kurrë, në asnjë rrethanë!

Palpitacionet mund të shoqërohen dhe me fenomene më shqetësuese të tilla si çrregullime të frymëmarrjes, marramendje, vizion të paqartë, dhimbje gjoksi, dhe shpesh këto simptoma janë për fat të keq këmbanat e alarmit që sinjalizojnë keqfunksionime shumë më serioze se një aritmi të thjeshtë, kështu që nuk duhet nënvlerësuar asgjë.

Kura për takikardinë konvulsive

Shmangia e patologjive të zemrës dhe gjithë sistemit të saj të qarkullimit, në rast të takikardisë konvulsive për shkak të stresit, aktivitetit fizik, ndryshimeve hormonale, mund të bëhët së pari duke vepruar direkt mbi shkaqet dhe së dyti duke vepruar në simptomat.

Në qoftë se disa aktivitete fizike shkaktojnë stres kardiak, atëherë kjo tregon se ato nuk janë të përshtatshme për ne, ndoshta dhe në atë moment të veçantë në jetën tonë. Vrapi apo noti pa trajnim, praktikimi i aktiviteteve të sforcuara si tendosja për shembull, në qoftë se ata kanë rezultuar me shfaqjen e fenomeneve të takikardisë duhet të ndërpriten menjëherë.

Ankthi, stresi mund të mbahen nën kontroll me mjete të llojeve të ndryshme: fitoterapi me bazë murrizi, limon balm, lulesahati, kamomil, sanëz, por edhe masazhet relaksuese si Ayurveda, praktika të tilla si tai-chi, joga apo kromoterapia. Ka një gamë të mundësive tani në dispozicion për të gjithë, mjafton që personat të duan të ndihmojnë veten e tyre me përkushtim dhe jo ta delegojnë tek të tjerët mirëqenien e tyre.

Për problemet me natyrë hormonale, fitoterapia është një ndihmë e madhe: limon balm, tërfili i kuq, salvia, livanda janë disa nga mjetet natyrale që mund të personalizohen në doza.

Pëlqeni dhe shpërndani Perspekti.com

Artikuj të ngjashëm