11 Shenja që nuk jeni i shëndetshëm (Edhe pse mendoni që jeni).

Ndonjëherë të qenët i shëndetshëm është gjëja më e vështirë që mund të arrijmë.

Nga: Xhesjana Topalli

Publikimi: 28/09/2017 20:19

Ne mund të bëjmë përpjekjet më të mëdha për të ngrenë mirë, për tu ushtruar, si dhe për të fjetur mjaftueshëm. Por trupi ynë, duke qenë sistemi më kompleks në univers, ndonjëherë nuk pyet për përpjekjet tona.

Perspekti do të tregojë 11 shenja që ju mund të mos jeni aq i shëndetshëm sa mendoni edhe pse gjithçka duket se është në rregull.

Gjithashtu do të tregojmë disa rregullime potenciale për sëmundjet tuaja.

11 shenjat me të dukshme që shëndeti juaj mund të ketë mungesa:

1. Fryerje

Të gjithë jeni ndjerë pas një vakti të bollshëm të fryrë. Ndoshta e keni konsumuar shumë shpejt ushqimin tuaj. Fryrja ka të bëjë me akumulimin e gazit në traktin tretës dhe nëse këto simptoma bëhen kronike, mund të tregojnë një problem shëndetësor.

Për ta rregulluar këtë problem mund të konsumoni xhinxher për të shpejtuar tretjen dhe të konsumoni çaj kamomili, që do të ndihmojë me nxjerrjen jashtë të lëndëve toksike.

2. Lodhje kronike

Lodhja mund të shkaktohet nga një numër i konsiderueshëm i problemeve me shëndetin. Zakonisht lodhja afatshkurtër mund të shkaktohet nga puna e tepërt, nga mungesa e gjumit ose stresi. Por lodhja kronike, në anën tjetër tregon sëmundje.

Ju mund të zhdukni shenjat e lodhjes kronike duke ekzaminuar mënyrën tuaj të jetesës dhe zakonet e gjumit. Bëni një plan të dites suaj për të përfshirë edhe një pushim të vogël 30 minuta para gjumit; hiqni dorë nga alkoli dhe nikotina, dhe praktikoni higjenën e gjumit. Nëse asgjë nuk ju ndihmon, duhet patjetër të vizitoheni tek një doktor.

3. Pagjumësi

Gjumi është vital për të rifreskuar burimet e trupit dhe trurit. Ne thjesht nuk mund të funksionojmë pa sasinë e duhur të gjumit, dhe as që duhet ta provojmë këtë. Pagjumësia përcaktohet si vështirësi apo pamundësi për të qëndruar në gjumë, ose vuajtje nga pamundësia për të fjetur, për të paktën 1 muaj.

Ne mund të rregullojmë pagjumësinë duke kontrolluar pasojat që keni prej saj dhe nëse është e nevojshme të shkoni tek një doktor.

4. Fryma me erë të keqe

Një mal me gjëra mund të shkaktojnë frymën me erë të keqe: ushqimi, duhani, higjena e dobët, goja e thatë, ilacet etj. Gjithësesi, fryma me erë të keqe mund të shkaktohet edhe nga probleme me shëndetin.

Nëse higjena e mirë orale nuk ju ndihmon atëherë duhet të vizitoni një doktor. Kjo mund të jetë një paralajmërim për sëmundjen e veshkave ose mëlçisë.

5. Dhimbje koke

Një dhimbje koke nuk ka asgjë për tu shqetësuar. Por nëse dhimbjet e kokës bëhen gjithmonë e më të sheshta dhe frekuente, veçanërisht kur shoqërohen me simptoma të tjera është koha për të vizituar një doktor.

Ne mund ta pakësojmë dhe parandalojmë dhimbjen e kokës duke pirë shumë ujë, duke fjetur si duhet dhe me orare të rregullta, dhe duke kontrolluar shëndetin e syve. Simptomat e vazhdueshme neurologjike nuk janë diçka me të cilën mund të tallemi. Shkoni tek mjeku për çdo shqetësim që keni.

6. Thonj të çuditshëm

Siç rezulton, mënyra se si duken thonjtë mund të zbulojë shumë për shëndetin tonë. Thonjtë janë një shtrirje e lëkurës dhe kërkojnë shumë ushqyes për të qëndruar të shëndetshëm. Thonjtë që duken jashtë ngjyrës (sidomos të verdhë) ose të brishtë, kërkojnë një vështrim më të afërt.

Thonjtë kanë nevojë për shumë ushqyes. Sigurohuni që jeni duke ngrënë një dietë të ekuilibruar mirë dhe duke pirë të paktën 2 litra ujë çdo ditë. Kërpudhat e thonjve janë të vetë-trajtueshme, por përkeqësimi i shëndetit të thonjve mund të ketë nevojë për një mendim profesional nga dermatologu.

7. Ulje e dëshirës për aktivitet

Ashtu si gjërat e tjera në këtë listë, një dëshirë e ulët për aktivitet mund të shkaktohet nga shumë gjëra. Faktorët e jetesës dhe të marrëdhënieve, mirëqenia emocionale dhe fizike, dhe çështje të tjera mund të shtypin dëshirën dhe mundësinë për aktivitet. Medikamentet me recetë janë të njohur për shkaktimin e uljes së energjisë.

Vlerësoni të gjithë faktorët e renditur më lart. Konsideroni çdo ilaç që merrni dhe hulumtoni çdo efekt anësor potencial dhe ndërveprime të drogërave (nëse merrni ilaçe të tjera me recetë, ilaçe OTC ose shtesa.) Konsultohuni me mjekun tuaj përpara se të ndërprisni një mjekim të përshkruar.

8. Lëvizjet e parregullta të zorrëve

Lëvizjet e rregullta të zorrëve (BMs) janë kritike për shëndetin e përgjithshëm. Rutina i duhur për BMs është çdo ditë në tre herë në javë (varet nga dieta, përbërja fizike, zakonet e stërvitjes, etj) kur humbisni këtë rutinë të lëvizjes së zorrës së trashë mund të jetë një shenjë paralajmëruese.

Shikoni dieten tuaj dhe zakonet e hidratimit. Sigurohuni që konsumimi i fibrave në dietën tuaj është e përshtatshme - rreth 30-38 gramë në ditë për meshkujt dhe 21-25 gramë në ditë për gratë. Nëse vazhdoni të përjetoni probleme, kërkoni këshilla nga një dietolog ose mjek.

9. Humbje e shpejtë e flokëve

Humbja e flokëve është një proces normal; ajo ndikohet nga gjenet dhe, në një masë më të vogël nga mënyra juaj e jetesës. Megjithatë, humbja e flokëve është - në shumicën e rasteve - një dukuri graduale. Humbja e shpejtë dhe e papritur e flokëve duhet të shihet dhe kontrollohet, pasi mund të ketë një shkak mjekësor të rëndësishëm.

Siç u tha, humbja graduale e flokëve zakonisht është normale dhe e padëmshme. Nëse ju duket se po i humbni flokët në një ritëm të shpejtë, konsultohuni me mjekun tuaj për të përjashtuar ndonjë shkak tjetër mjekësor.

10. Ngërçe muskujsh

Mangësitë ushqyese dhe mbingarkesat e muskujve janë, deri tani, arsyet më të zakonshme për ngërçet në muskuj. Shkaqe të tjera të ngërçeve të muskujve përfshijnë stilin e jetesës joaktive, furnizimin e pamjaftueshëm me gjak ose tensionimin.

Së pari, sigurohuni që të jeni duke pirë shumë ujë gjatë gjithë ditës. Hani një dietë të ekuilibruar dhe angazhohuni në një aktivitet të moderuar fizik. Konsultohuni me një mjek nëse keni shqetësime të rënda, ënjtje ose skuqje të lëkurës ose simptoma të tjera.

11. Luhatje në peshë

Shumica prej nesh shtojnë disa kilogramë teksa plaken, përpiqen ta humbasin këtë peshë, pastaj e fitojnë përsëri. Ky është një nën produkt i natyrshëm i një metabolizmi te ngadalësuar. Megjithatë, shtimi i peshës ose humbja e tepërt e saj mund të jetë një shenjë e një gjendjeje të rëndë mjekësore.

Ju do të vini re fitimin e papritur ose humbjen e peshës. Fitimi/humbja e shpejtë e peshës është një gjendje mjekësore që nuk duhet të anashkalohet, pasi kjo mund të jetë tregues i një gjendjeje të rëndë shëndetësore. Merrni mendimin profesional të mjekut.

Pëlqeni dhe shpërndani Perspekti.com

Artikuj të ngjashëm