10 gjëra që nuk duhet t'ia thoni një njeriu me depresion.

Një njeri me depresion mund të jetë shumë i ndjeshëm dhe vulnerabël. Ndonjëherë një fjalë e gabuar mund të përkeqësojë gjendjen e tyre të vështirë mendore.

Një njeri me depresion mund të jetë shumë i ndjeshëm dhe vulnerabël.

Nga: Xhesjana Topalli

Publikimi: 24/02/2017 08:31, Ndryshuar: 24/02/2017 15:35

Ky artikull është shkruar duke u bazuar në eksperiencet e dhimbshme që kanë kaluar njerëz me depresion. Mos flisni me njerëzit në këtë mënyrë për asnjë arsye.

Ka probleme edhe më të vështira dhe të rënda se ai që ke ti

Fakti që dikush ka më shumë probleme, nuk do të thotë që problemet e mia të zhduken.

Çfarë duhet të thoni: Më vjen keq që ndihesh në këtë mënyrë. Çfarë mund të bëj unë për të të ndihmuar?

Vetëm ki besim tek vetja, nëser gjithçka do të bëhet më mirë

Më bëj një nder, dhe mos fol më. Depresioni nuk është diçka që zhduket brenda natës.

Çfarë duhet të thoni: Përballu me problemet hap pas hapi, dhe unë do të jem pranë teje për të të ndihmuar.

Jeta është e padrejtë

Ndal! Si mund ta bëjë kjo fjali një person me depresion të ndihet më mirë? Ju e përkeqësoni situatën duke i thënë kështu dhe i zhvlerësoni personit që keni përballë vuajtjet e tij.

Çfarë duhet të thoni: Më vjen vërtet keq për gjërat që po kalon. Ne do ti kapërcejmë ato së bashku.

Thjesht përshtatu me këtë që po ndodh

Një person me depresion TASHMË është përshtatur me gjendjen e tij. Ai bën më të mirën e tij. Çdo ditë. Duke i dhënë këtë këshillë duket sikur ai nuk është përshtatur.

Çfarë duhet të thoni: Nuk ke përse ti kalosh gjërat vetëm. Unë do të të ndihmoj.

Jeta vazhdon

Po sigurisht që jeta vazhdon. Por kur një person në depresion e dëgjon këtë gjë atij i duket sikur depresioni nuk po e lejon të jetojë.

Çfarë duhet të thoni: Jeta jote është e mbushur me gjëra për të cilat ia vlen të jetosh. Le ti eksplorojmë sërish së bashku.

E di sesi ndihesh, edhe unë kam pasur depresion dikur

Njerëzit nuk i kalojnë vështirësitë në të njëjtën mënyrë, dhe është koha që ta kuptoni këtë gjë. Kjo frazë i zhvlerëson vuajtjet që po kalon një person. Depresioni NUK është thjesht diçka pak më e keqe se një humor i keq apo një ditë e keqe.

Çfarë duhet të thoni: Nuk e kam idenë se çfarë po kalon por do të bëj më të mirën time për të të kuptuar.

Nuk mendon që po tregohesh pak egoist?

Një person me depresion e kritikon veten e tij çdo minutë, kështu që mos i hidhni zjarrit benzinë. Mbani mend: depresoni nuk është një zgjedhje. Njerëzit nuk bijnë në këtë gjendje me vetëdije.

Çfarë duhet të thoni: Më mungon shumë. Çfarë mund të bëj për të të ndihmuar?

Dil argetohu, pi diçka, dhe harroji të tjerat

Kjo frazë që i thuhet një njeriu me depresion do të dukej shumë tallëse. Ai duhet të ketë përsëritur shumë herë me vete këtë frazë. Por depresioni nuk është vetëm një ditë e keqe. Depresioni është mijëra ditë të këqija të lidhura zinxhir, dhe nuk ka mënyrë për të dalë prej tij. Nuk ka dritë në fund të tunelit. Kjo është e gjitha.

Çfarë duhet të thoni: Dua të kaloj më shumë kohë me ty. Si thua sikur të pijmë një kafe bashkë dhe të bëjmë një bisedë të ngrohtë?

Mik, ti je një plehrë e trishtuar

Një person i depresuar përpiqet çdo minutë të kapërcejë pengesat që ka me veten. Dhe gjëja e fundit që do të dëgjojë ai është që ai mërzit çdo njeri.

Çfarë duhet të thoni: Nuk më pëlqen kur je i trishtuar. Le ta përmirësojmë këtë disi.

Përse je kaq i mërzitur?

Depresioni jo gjithmonë shkaktohet nga një aksident i keq. Ndonjëherë thjesht ndodh. Kjo nuk do të thotë që nuk është serioze.

Çfarë duhet të thoni: Më fal që nuk e kuptoj përse ndihesh kaq keq. Mos u mërzit, unë jam këtu.

Mjaft ndjeve keqardhje për veten

Depresioni dhe keqardhja për veten janë 2 gjëra të ndryshme. Por, ato vijnë njëra pas tjetës.

Çfarë duhet të thoni: E shoh që gjërat janë të vështira për ty. Çfarë mund të bëj për të të ndihmuar?

Ti duhet të fillosh të vraposh

Kur një njeri është në depresion, e ka të vështirë të bëjë diçka.

Çfarë duhet të thoni: Kam nevojë për një njeri me të cilin të ushtrohem. Do të ushtrohemi bashkë?

Ti je i fortë, do ta kapërcesh këtë që po të ndodh

Depresioni e bën këdo të dobët dhe të pashpresë.

Çfarë duhet të thoni: Beso në vete dhe do të kapërcesh gjithçka. Ti nuk je vetëm, unë jam me ty.

Mos harroni që depresioni është një sëmundje shumë serioze. Nëse njeri nga njerëzit tuaj të dashur vuan nga depresioni, sigurohuni që ai të konsultohet me një mjek, dhe qëndroni me të në këtë kohë të vështirë.

Pëlqeni dhe shpërndani Perspekti.com

Artikuj të ngjashëm