Kėngėt e Milosaos - Kangjelji VII - Jeronim De Rada

Vepra Kėngėt e Milosaos - Kangjelji VII nga Jeronim De Rada.

Kangjelji VII

Dreq rahjet e dejtit

gėzoi dita e kaljthėrez

vallevet kopiljevet:

i ruatin tė dashurit.

Ndė ktė jet cė kemi mė?

Hėnėn e mbrėmanes,

kur dalėn te dera ime

vashat e bėshėme,

motrat e ushtertorėvet.

U trinteljinj qitharien,

ato tė shpėrveshta

ljotenjen e t'ėmbėljit

ceren me i shuanith.

Kemi mė tė mirėn ėndėr

C'i qell trimit vajzėn.

Pra ce shpit m'u mbilletin,

tek dera e ėrrėtez

ai e pret e me e uljen.

Ajo gapen preherin:

Vajza: - Mir za, trim, di lajthi.

Se t'e shih, se te m'i fjit;

ajo e gjegjen e me si

ruan nj'ill e jetėrin:

se doj t'ikenej, por trembjet.

Vajza: - Trim, ri mir, mos sgjonet mema.

Ajo bėn buzėn mbė gaz.

Trimi: - Vash, puthėm pėrparanith.

Ajo reshtėn kriethit:

pra ce e holjq, dalje m'i bie

nde cerkut je mbjeth ndė gji.

- Via, ri mir.- Ec me shendet.

-Mbė tė nisurit e ruan,

njer ce dolli e nėng e pan.

Zėgjonet e ndė kėt gjell

at dit mė ri me mall.

Kėnga VII

Kundrejt kodravet e detit,

dita e kaltėr gėzoi

valleve tė vashave:

i shohin tė dashurit.

Nė kėt' jetė c'kemi mė?

Hėnėzėn e mbrėmjes,

kur te dera ime dalin

vashėzat e bėshme,

motrat e ushtarėve.

Unė tringėllij kitaren,

ato, tė pėrveshura,

lozin e njė ėmbėlsi

faqet ua zben.

Kemi mė tė mirėn ėndėrr,

qė i sjell trimit vajzėn.

Kur shpitė mbyllen, te dera,

nė tė errėt ai e pret,

e ul, prehrin ajo hap:

- Trim, na merr dyze lajthi.

Ai m'i tregon se c'bėri

qė ta shih e tė m'i fliste;

ajo dėgjon e me sy

ruan njė yll e njė tjetėr,

nuk do t'ikė, por dhe trembet.

- Lamtumir', trim, zgjohet mėma, -

bėn ajo buzėn me gaz.

- Vashė, puthmė mė parė.

Ajo e resht kryethit,

ai e heq e vasha i bie

dalėzė te zverku

e pushton trimi nė gji.

- Lamtumir' - Ec me shėndet.

Ai e ruan nė tė ikur:

u zhduk e njeri s'e pa.

Djali zgjohet e nė jetė

atė dit' mė rron me mall.