Sa para të kursyera duhet të ketë një njeri ekonomiqar?

Jetesa në një shoqëri ku inkurajohet shpenzimi, të bën të harrosh shpesh fuqinë e kursimeve.

Nga: Xhesjana Topalli

Publikimi: 09/12/2017 20:11

Të pasurit para të thata mënjanë ose në një llogari bankare ju jep mundësinë të ndryshoni jetën tuaj për më mirë. Pse?

Kur diçka e papritur ndodh, një fond emergjence ju mbron në një periudhë aftagjatë, gjithashtu dhe investimet tuaja.

Nëse keni një fond rezervë nuk do t'ju duhet të shtrydhni llogarinë bankare apo të shisni invdestimet e parashikuara në aftagjatë.

Gjithashtu paratë "cash" ju vënë në një pozitë blerëse kur të gjithë të tjerët po shesin dhe që të bëni para në kohë të mira dhe të këqija. Njerëzit gjithashtu duhet të kenë dhe një "fond mundësish", si fondet e emergjencës.

Si ta ngrini një fond emergjence dhe sa para duhet të keni?

E mira:

Minimalisht duhet të keni 3 muaj shpenzime jetese. Kjo do të thotë se nëse shpenzoni 1 mijë euro në muaj për shpenzime, në fondin e rezervave të keni 3 mijë euro.

Më mirë:

Nëse keni njerëz që varen ekonomikisht prej jush, fëmijë ose bashkëshort/e, fondi i emergjencave duhet të jetë së paku 6 muaj shpenzime jetese. Për më tepër nëse keni një karrierë me ulje-ngritje ose me mundësi të lartë dëmtimi do t'ju duhet dyfishi i këtij fondi.

Më e mira:

Nëse keni rrogë të lartë, më e mira është të kurseni 12 muaj shpenzime jetese. Personat me pagë dhe fitime të larta kanë tendencën të investojnë në gjithçka, ç'ka i lë ata pa likujditete, ndaj lini mënjanë disa para të thata.