Bronkiti Akut: Shkaqet dhe kura natyrale.

Bronkiti është një inflamacion që prek sistemin tonë të frymëmarrjes, veçanërisht tubat bronkialë, duke shkaktuar vështirësi në frymëmarrje, kollë dhe temperaturë.

Bronkiti akut shkaktohet nga një agjent infektues, ose është një pasojë e infeksionit të rrugëve të sipërme të frymëmarrjes.

Nga: Xhesjana Topalli

Publikimi: 06/06/2017 15:35, Ndryshuar: 06/06/2017 22:39

Bronkiti është një inflamacion që prek sistemin tonë të frymëmarrjes, veçanërisht tubat bronkialë, duke shkaktuar vështirësi në frymëmarrje, kollë dhe temperaturë. Inflamacioni ngushton hapjen e tubave bronkialë, gjë që e bën kalimin e ajrit në mushkëri më të vështirë.

Bronkiti Akut: Shkaqet e shfaqjes

Bronkiti akut shkaktohet nga një agjent infektues, ose është një pasojë e infeksionit të rrugëve të sipërme të frymëmarrjes.

Shkaqet kryesore të bronkitit akut janë:

Riniti ose ftohjet, sidomos tek fëmijët;

Viruset, të tilla si virusi sinkitial i frymëmarrjes, virusi i gripit;

Bakteret e tilla si Mycoplasma pneumoniae, Staphylococcus, Pneumokoku, Klebsiella, Haemophilus;

Irritime të mëparshme, të tilla si refluksi gastroezofageal;

Kimikate irrituese: grimcat e paqëndrueshme të detergjentëve ose tretës, ndotja e ajrit, pluhuri, gazet ndotëse, smogu, tymi i duhanit (edhe pirja pasive).

Ka faktorë predispozues si shkaqe të bronkitit akut, ndër të cilat janë:

Mungesa në sistemin imunitar, stresi;

Prania e tumoreve;

Refluksi gastroezofageal;

Rreziku profesional nga ekspozimi ndaj irrituesve.

Bronkiti Akut: Mjekimet natyrale

Diagnoza e bronkitit duhet të bëhet nga mjeku juaj, i cili do të përshkruajë edhe mjetet më të përshtatshme për kurim. Në të njëjtën kohë, ka shumë mjete të natyrshme që mund të mbështesin trajtimin dhe të përshpejtojnë shërimin apo edhe të zbusin simptomat.

Ndër mjetet natyrore për të trajtuar bronkin akut, janë:

Stili i jetesës: duhet të pini shumë, të pushoni, të mos ekspozoheni në të ftohtë, të mos pini duhanin apo të mos ekspozoheni ndaj pirjes pasive;

Fitoterapia: janë të dobishme inhalacionet e bëra nga tea tree oil, infuzionet me kërcell altea, ose rrënjët e aguliçeve, nenexhiku apo jargavani;

Banjot aromatike: dëllinja është e preferuar, selvia dhe pisha, ose trumzë dhe livando. Hidhni disa pika në dush dhe relaksohuni duke marrë frymë thellë;

Mjetet e gjyshes: sidomos për fëmijët, do të jenë të përshtatshme inhalacionet me ujë dhe bikarbonat, infuzion i hudhrës (një karafil) dhe limon (lëkura e një limoni bio), ose një lugë mjaltë në ditë ose çaj me bazë xhenxhefil dhe shafran të Indisë.

Ushqime për të shmangur: është më mirë të ndaloni gjatë periudhës së bronkitit akut, konsumin e qumështit dhe produkteve të tij, çokollatat, salcicet, alkoolin dhe sheqernat.

Ushqime të preferuara: në rastin e bronkitit akut, drita e gjelbër jepet për drithërat, frutat dhe perimet e freskëta të sezonit, kivit, agrumet dhe specat për shkak të sasisë së lartë të vitaminës C, frutat e pyllit pasi janë të pasura me antioksidantë.

Pëlqeni dhe shpërndani Perspekti.com

Artikuj të ngjashëm