Cilat janë shenjat që nuk po pini ujë mjaftueshëm?

Për të mbijetuar të gjithë ne, kemi nevojë për ujë. Pa ujë askush nuk mund të jetojë.

Nga: Xhesjana Topalli

Publikimi: 16/01/2018 15:25

Duhet të dini se pirja e ujit do ta mbajë trupin tuaj të shëndetshëm, sepse ndihmon në përshtatjen e temperaturës së trupit tuaj dhe në këtë mënyrë përmirëson tretjen.

Uji gjithashtu ndihmon në largimin e të gjitha toksinave nga trupi. Një nga vetitë më të rëndësishme të ujit është ajo e një reaguesi të shkëlqyer. Kjo do të thotë se shumë reaksione kimike ndodhin në një mjedis të ujit.

Mos pirja e mjaftueshme e ujit mund të çojë në komplikime serioze. Në këtë pikë është shumë e rëndësishme që të dini se lëngjet, çaji, pijet energjetike dhe kafja nuk llogariten si kërkesa fluide të trupit.

Gjithashtu duhet të dini se pijet energjetike dhe kafja janë të pasura me kafeinë dhe kafeina mund të dehidratojë trupin. Në këtë artikull Perspekti do t'ju tregojë disa shenja që trupi juaj ju dërgon kur nuk jeni duke konsumuar ujë mjaftueshëm.

Shpeshtësia e urinimit

Një person i shëndetshëm urinon rreth 6 deri në 7 herë në ditë. Ky numër është i ndryshëm në çdo person, sepse jo të gjithë pinë të njëjtën sasi uji. Për ata që urinojnë më pak se 2-3 herë në ditë ose që nuk kanë urinuar për disa orë, duhet të filloni të konsumoni më shumë ujë.

Lëkurë të thatë

Në mënyrë që të jetë me shkëlqim dhe e butë, lëkura juaj ka nevojë për ujë. Dhe për të qëndruar të shëndetshëm, lëkura juaj duhet të hidratohet gjatë gjithë kohës. Nëse keni lëkurë të thatë, kjo do të thotë se jeni dehidratuar dhe lëkura juaj nuk ka ujë.

Një tjetër shenjë që trupi juaj i mungon uji është kur lëkura juaj është e thatë edhe pas aplikimit të kremrave ose balsamit. Nëse doni që trupi juaj të qëndrojë i hidratuar, duhe të pini disa gota me ujë çdo orë.

Dhimbje koke

Ndoshta nuk e dinit këtë, por shumë dhimbje koke ndodhin për shkak të dehidrimit. Dhimbja e kokës për shkak të dehidrimit është paksa e ndryshme nga dhimbjet e kokës normale.

Zakonisht dhimbjet e kokës ndodhin kur keni djersitur shumë ose kur nuk keni pirë lëngje mjaftueshëm.

Gojë e thatë

Reduktimi i pështymës bën që të kemi gojë të thatë. Nëse vazhdimisht keni gojë të thatë, gryka dhe goja juaj mund të dëmtohen.

Goja e thatë shpesh shkaktohet nga mungesa e ujit në trupin tuaj. Futja e lartë e ilaçeve, gjithashtu mund të shkaktojë më pak prodhim të pështymës në gojën tuaj. Prandaj, nëse vazhdimisht keni gojë të thatë, gjithmonë duhet të mbani një shishe me ujë.

Ngjyra e urinës

Ndryshimi në ngjyrën e urinës mund të jetë një shenjë e madhe e dehidratimit. Ngjyra e urinës suaj do të jetë e qartë nëse jeni mirë hidratuar. Nëse urina juaj është ngjyrë kafe, kjo do të thotë se jeni të dehidratuar.

Ju duhet ta pini ujin ngadalë në mënyrë që trupi juaj të plotësojë gradualisht ujin në organet e kërkuara.

Uri

A jeni ndier ndonjëherë të uritur edhe pse keni ngrënë?

Herën tjetër që ndjeheni të uritur pasi keni ngrënë, provoni të pini ujë në vend që të hani sërish. Uji do të plotësojë urinë tuaj.

Marrje mendsh

Kur ndiheni të trullosur, ajo çka duhet të bëni është të pini një gotë me ujë. Ju gjithashtu duhet të dini se kjo gjendje është shumë e zakonshme në mesin e atletëve që qëndrojnë në diell për shumë kohë.