Kėngėt e Milosaos - Kangjelji XVIII - Jeronim De Rada

Vepra Kėngėt e Milosaos - Kangjelji XVIII nga Jeronim De Rada

Kangjelji XVIII

S'in tė trimave o tė grave

tė martuarme rogollim,

si rėkime zemėrje

ce ljufton vėdekja,

porsa in tė fritura

djaljeve tė prejturve

te djepė me ninuljen

mbė tė rar tė djellit;

si tė tundur fjeta dhrish,

si vivilj e ditjes,

nd'ato zemėra tė ljea,

kur thėllėza m'u ljėshua

ka ljumi Teodorit.

Shkoi mbi qeramidhevet,

ra te kreu djaljit

parganjotit Milloshin,

c'ish te shtrati i veljust,

e m'u vu e mė tagjisėn.

Ce fernoi tagjisuri,

hapi krahėt e m'u ulj

mbi spervjerin e mundasht,

ljereu fėrshėllimjen.

Djaljit i qėlloi gjum.

Nd'i qėlloi, lje tė fjer:

mos kuljtonj tė bardhėn ėm,

c'e cathur e pa frim

voshqeshit me shqirjet,

ture i thir zotit saj,

ce dualli e nėng u mbojth.

Kėnga XVIII

S'ishin grahma trimash

e grash tė martuara,

as rėnkime zemre

qė lufton me vdekjen,

porse ishin frymė

prej djemthish qė prehen

djepeve me ninulla

me tė rar' tė diellit;

e si fėrfėllimė gjethesh

tė hardhis', si fryma e ditės

nė ato zemra tė lehta,

kur lėshohetė thellėza

nga lumi i Teodorit.

Ajo shkoi mbi qeramidhet

edhe ra te krei i djalit

tė parganiot Milloshinit,

qė ish te shtrati i velushtė

e m'u vu e ma ushqeu.

Si mbarojti sė ushqyeri,

hapi krahėt e m'u ul

pėrmbi tendėn e mėndafshtė

e ia lėshoi kėngės.

Djalthin e zu gjumi.

Nd'e zu gjumi, le tė flerė,

mos kujtoj' tė bardhėn mėmė,

qė e zbathur e pa frymė

pyjevet po mė rreqiset,

duke i thirrė zotit saj,

qė doli e nuk u kthye.